Այս հավաքածու - քարտեզը մշակութային և զբոսաշրջային նշանակություն ունի, որի օգնությամբ  կարելի է տեղորոշել տվյալ եկեղեցու վայրն ըստ մարզի և աշխարհագրական ընդհանուր պատկերացում կազմել: Նայելով քարտեզին, կնկատեք, որ անխտիր բոլոր մարզերում առկա են դարերից խորքից եկող վանական համալիրներ. ևս մի անհերքելի փաստ, որ հայ ժողովուրդն ապրել և արարել է իր պատմական բնօրրանում: Հավաքածուն ընդգրկում է 12 անուն և Հայաստանի մարզերից, և մայրաքաղաքից՝ կրելով «Անցյալի խոսուն վկաներ»  անվանումը:  Սա  յուրահատուկ տարբերակ է  հայոց պատմությունն ու մշակույթը աշխարհին ևս մեկ անգամ ճանաչելի դարձնելու համար, ցույց տալու հայ ժողովրդի նվիրումն  իր հավատքին ու եկեղեցուն:  Հուշակոթողները  մեր անցյալը  վաղվա օրվա հետ կապող միակ թելերն են. պարտավոր ենք պահպանել և անխաթար փոխանցել գալիք սերունդներին: